Life

حـادث 2+ UOB Party

8 مايو, 2008 12:05 م ({My world)

 في العـجلة النـدامة ,,

امس وبسبب الـسرعة القاتلة

سويت حادث مرة ثانية عند جامعة البحرين

كنت رايحة للحفلة : (

كنت شاخطة الشارع كالعادة وتطلع سيارة علي حاولت ابتعد عنها الشارع ضيق وايد

ما قدرت اتباعد او اخفف السـرعة مرة وحدة

مع اني كنت مطولة ع الصوت حده كانوا حاطين اغنية صدفـة

 الا ان صوووت الطـراااخ سمعته من زود قوته

بس ما صار فيني شي تكسرت سيارتي وسيارته

حاولت اقنعه عشان ما يتصل للمـرور خخخ لاني كنت مستعيلة

والحمدالله اقتنع وعطيته رقم ابوي

  >>  قطيت كل شي ع ابوي

بس خـلاص من امس صرت امشي اقل من 80

= = = = = = = = =

دخلت الحفلة ولا كأني مسوية حادث من شوي

بس صج صج كااانت رووعـة

كان وايد زحمة تقريبا الجامعة كلها داخل الحفلة

والجـوو كان عجيب

هذي صورة للفرقة من بعيد

اهم خمس شباب وكانت معاهم بنية تغني

بداية الحفلة كانو يعزفون والمقطوعات كانت روعـة

بعدين بدووا الأغاني

وهذي تسجيل لأاحلى اغنية

صج صج طلعت كشووخية

والي هناك ما قصروا بالصراخ

اغنية صغيرون

اضغطوا ع ال

  Player

    وهذي اغنية بالأسباني

 مثل الشخص الي غنى صغيرون

  وهذي اغنية وش مسوي مع غيري

بس حساافة ما كملت الحفلة كامل 

قعدت بداية الحفلة الا ابوي متصل زافني

عشان ارجع البيت بسـرعة

ويعرف شسالفة ! ..