Life

الـيـوم}

 كـرهت الجامعة من قلب

لوايد اسباب بس اليوم طفشت طفشت الحالة مستعصية بجامعتنا

لازم يسوون حـل ولا بتصيدني حالة نفسية وعصبية وجسمانية الخ ..

 الزحمة }

1\

ماكو مكان تروحه بعد المحاضرات

والكافتيريا فيها اشياءات اما الهندي بيقعد يتفنن بالطبخ والروايح او الشباب الله يحفظهم بيدخنون وكل شي بيعلق في ثيابك

والشي الثاني ان قسم البنات يا زعم مع ان هو تقعد فيه بنية ولا ثنتين صاير بأخـر الكافتيريا يعني ع ما تمشي تحس روحك مراقب من فوق لتحت ع ما توصل لنهاية الكافتيريا وما صار فيك شي تطيح تتعور

تحمد ربك

2\

 او تـروح المكتبة .. والمكتبة من ادخلها تييني النـودة !

وكل الأشكال الي فيها من الاوادم المثقفة يعني احس روحي كلش غلط وانا قاعدة وياهم

 ولين قعدت جذي ما سويت شي بتحس واحد يطالعك من بعيد وعيونه فيها شرار مو طبيعي

بنظرات تقولك قوم شرفنا واطلع احسن لك

3\

 او انك بسرعة تلحق ع الكراسي الثلاثة الي صوب الرسبشن

ولين قعدت وايد بييون نفرات بيوقفون ع راسك كأن يقولون لك زودتها احنا بعد نبي نقعد

فتقوم غصبا عـليك وراسك داير ما تدري وين تروح 

الباركـات }

 مستحيل تحصل باارك واذا حصلت بترجع للسيارة مشمخة والاخ الثاني موقف يمكـ

حتى ما تقدر تـطلع  ما يراعون مشاعري

زين عرفت ابركن مو اطلع السيارة بعد 

فاضطر اني اوقف في البراحة الي يم النادي وع ما امشي وي الكعب تتكسر ريولي عسى تتكسر ريول شسمه ..

وتشاهق وانت موصل الجامعة وتحقد ع الي حصلوا بارك يم الجامعة

الـاكـل }

مافي الا كافتيريا وحدة ومحد ياكل من الهندي الا الي ناوي ع روحـه

او انك تروح جسميـز هذا اذا ما لاعت جبدك منه لنهاية الكـورس

او تروح برادات الجزيرة او ستاربكس

 واذا طلعت بالسيارة بترجع ماخذين البارك

فالاحسن تروح مشي وتعبر شارعين

ولكـن كل هذا ما يسوى ,, يعني ظل بجوعك لين ما ترد البيت

الحمامات }

من تدخل بتعدل شيلتك ولا شي ع طووول زحمة

ولا والي يقهر ان كل ما ادخل مثل الاوادم هناك

تقول مداومين عند المنظرة

تدخل وتطلع تشدخ الباب وراك من زود القـهـر

 \\

في الاخـير اقعد اتأمل صورة المبنى الجـديد

ولكن انصدم بعدين بالصندقة الي ندرس فيـها ويمكن الحال يتغير

ولـكن شكلنا ما بنشوف شي الا في عـيد الـبش

Uhhh with Quizs & assignments also

they think that we’re machine or something like that :\

26. 2 Discussion the Study Skills assignment Done 5\5 : )

 2 . 3  Eng med Done

2 . 3 Creative med Done

3 . 3 Acc Quiz Done

5 . 3 Accounting med Done

5 . 3 Discussion  the Creative assignment !! Done

8 . 3 Math med  Done

9 . 3 Study Skills med Done

Gonna lose my Mind .. Ufff

{I hope doin’ well in the exams ,, wish me Good Luck : )